रामेछाप । नेकपा माओवादी केन्द्रका केन्द्रीय सदस्य तथा रामेछाप जिल्ला ईन्चार्ज श्यामकुमार श्रेष्ठले मुलुकको निकाश माओवादीले मात्र दिन सक्ने वताएका छन् । हामीले अघी सारेको सासकिय व्यवस्था र निर्वाचन प्रणालीमा सुधार गर्दै पूर्ण समानुपातिक संसद र प्रत्यक्ष निर्वाचित कार्यकारी भए मात्र देशमा दिगो सरकार निर्माण हुने भएकाले त्यसका लागि आउदो निर्वाचनमा माओवादी लाई सरकारमा लैजानु पर्ने श्रेष्ठले वताए ।
नेकपा माओवादी केन्द्र मन्थली नगर समितिको दोश्रो नगर अधिवेशनको सोमबार मन्थलीमा उद्घाटन गर्दै श्रेष्ठले माओवादीले चामललाई चामल भनेर विकाउन नसकेको दावि गरे । श्रेष्ठले भने – पिठो वालाले आफुलाई चामल भनेर विकाईरहेका छन्, श्रेष्ठले भने तर हामीवाला पिठो बनेर बसेका छौं । शान्तिपूर्ण राजनीतिक व्यवस्थामा माओवादी पार्टीलाई ल्याएको भनेर अरु संसदवादी दलहरुले गरेको दावि असत्य भएको श्रेष्ठले वताए । ‘हामीले अघी सारेको गोलमेच सम्मेलन, सविधानसभा र गणतान्त्रिक व्यवस्थामा अरु समावेश भएकाले हामीलेनै उनीहरुलाई यो व्यवस्थामा ल्याएका हौं’ श्रेष्ठले भने ।
नेकपा माओवादी केन्द्र मन्थली नगर समितिका अध्यक्ष दिपक प्रसाईको अध्यक्षतामा भएको उक्त कार्यक्रममा संविधानसभा सदस्य तथा तामाङ मुक्ति मोर्चाका केन्द्रीय अध्यक्ष डिल्लीमान तामाङ र माओवादी केन्द्र रामेछाप जिल्ला समितिका सचिव प्रेम कार्की समेतले माओवादीले अघी सारेको नारा कार्यान्वयन गर्न बाँकी रहेकोले पनि माओवादीलाई एक पटक नेतृत्वमा पु¥याउनु पर्नेमा जोड दिएका थिए । अधिवेशनको बन्द सत्रले मन्थली नगर समितिमा नयाँ नेतृत्व चयन गर्नेछ । माओवादी केन्द्रले यसअघी गोकुलगंगा, खाँडादेवि, सुनापति र लिखु तामाकोशीमा अधिवेशन सम्पन्न गरीसकेको छ ।
