काठमाडौँ: नेपाली काँग्रेसका वरिष्ठ नेता डा. शेखर कोइरालाले वर्तमान सरकारको कार्यशैलीप्रति गम्भीर असन्तुष्टि व्यक्त गर्नुभएको छ।
उहाँले देशको वर्तमान स्थिति अत्यन्त नाजुक रहेको र हरेक क्षेत्रमै बिचौलियाको बिगबिगी बढेको बताउनु भएको छ। साहित्यिक पत्रकार संघले आइतबार काठमाडौँमा आयोजना गरेको सर्जक सुमन कर्माचार्यको काव्य संग्रह “कात्रोमा खल्ती” अनाख्यानको लोकार्पण कार्यक्रममा बोल्दै देशको राजनीति, आर्थिकलगायतका क्षेत्र अत्यन्तै नाजुक रहेको बताउनुभयो।
उहाँले काँग्रेस र एमाले बीचको गठबन्धनको समयमै संविधान संशोधन वा सुधार गर्ने प्रतिबद्धता रहेको भए पनि, ९ महिनासम्म कुनै महत्त्वपूर्ण कदम नउठाइएकोमा गम्भीर चासो व्यक्त गर्नुभयो। राष्ट्र बैंकको गभर्नर नियुक्तिमा पनि बिचौलियाको हस्तक्षेप भएको विषयमा उहाँले आपत्ति जनाउनु भएको छ। गभर्नर नियुक्तीको क्रममा भएको चलखेललाई नकारात्मक रुपमा प्रस्तुत गर्दै उहाँले भँन्नुभउो, “यदि गभर्नर नियुक्तिका लागि बिचौलियाको प्रभाव परेको हो भने, यो नेपालका लागि ठूलो दुर्भाग्य हुनेछ।”
कोइरालाले राजनीतिक इच्छाशक्ति भए देशलाई समृद्ध र सुशासनयुक्त बनाउन सकिने धारणा धारणा व्यक्त गनुैभयो।
