काठमाडौँमा चिसापानी जनकल्याण समाजद्वारा SEE दिएर बसेका विद्यार्थीका लागि करियर काउन्सिलिङ कार्यक्रम सम्पन्न”

काठमाडौँ, असार ७चिसापानी जनकल्याण समाज रामेछाप–काठमाडौँको आयोजनामा आज काठमाडौँस्थित बुद्धनगरको क्वालिटी ब्याङ्क्वेटमा क्यारियर काउन्सिलिङ कार्यक्रम सम्पन्न भएको छ। कार्यक्रमको अध्यक्षता समाजका अध्यक्ष राजेन्द्र श्रेष्ठले गरेका थिए भने संस्थाका सचिव दिपेन्द्र श्रेष्ठले कार्यक्रम संचालन गरेका थिए।कार्यक्रममा ३० जना विद्यार्थीहरूको सक्रिय सहभागिता रहेको थियो।काउन्सिलिङ सत्रमा जनिशा बस्नेतले विद्यार्थी जीवनका सफलता र असफलताका अनुभवहरू साझा गर्दै आत्मविश्वास, धैर्यता र निरन्तर प्रयासको महत्वबारे मार्गदर्शन गरेकी थिइन्।त्यसैगरी, करियर काउन्सिलर प्रकाश कुमार श्रेष्ठले विद्यार्थीहरूलाई लक्ष्यप्रति स्पष्ट दृष्टिकोण राख्न र निर्णयमा अलमल नहुने गरी योजना बनाउन प्रेरणा गरेका छन। काउन्सिलर श्रेष्ठले करियर काउन्सिलिङले युवाहरूलाई सही बाटो पहिचान गर्न मद्दत गर्ने विश्वास व्यक्त गरे।कार्यक्रमका सभाध्यक्ष राजेन्द्र श्रेष्ठले विद्यार्थीहरू समाज परिवर्तनका मुख्य आधार रहेको उल्लेख गर्दै यस्ता कार्यक्रमले उनीहरूको जीवन निर्माणमा सशक्त भूमिका खेल्ने धारणा व्यक्त गरे।त्यसैगरी, संस्थाका सल्लाहकार तथा अभिभावक शम्भुकुमार श्रेष्ठले आफ्ना अनुभवहरू बाँड्दै विद्यार्थीलाई समयको सदुपयोग र लगनशीलताको मूल्यबारे प्रष्ट दृष्टिकोण राखेका थिए।कार्यक्रमले सहभागी विद्यार्थीहरूलाई भविष्यको लक्ष्य निर्धारण, मार्ग छनोट र आत्मप्रेरणामा महत्वपूर्ण सहयोग गर्ने अपेक्षा गरिएको छ।