हेटौंडा, असार १९ –
बागमती प्रदेश सरकारका चारजना मन्त्रीहरूको राजिनामा स्वीकृत भएको छ। प्रदेश प्रमुखलाई मुख्यमन्त्री बहादुर सिंह तामाङले नेपालको संविधान २०७२ को धारा १६८ (२)(ख) बमोजिम मन्त्रिपरिषद्का सदस्यहरूको राजीनामा स्वीकृति गरेको जानकारी गराएका हुन्।
राजिनामा स्वीकृत भएका मन्त्रीहरूमा आन्तरिक मामिला तथा कानुन मन्त्री सुरज चन्द्र लामिछाने, सहकारी तथा गरिबी निवारण मन्त्री मदु कुमार श्रेष्ठ, युवा तथा खेलकुद मन्त्री निमकृष्ण महर्जन र संस्कृति तथा पर्यटन मन्त्री बिमल चन्द्र ठकुरी छन्।
चार जना मन्त्रीले शुक्रबार राजिनामा दिएका थिए। राजीनामा दिनुको कारण केही दिनदेखि सरकारभित्रको शक्ति असन्तुलन, पार्टी आन्तरिक किचलो र समसामयिक राजनीतिक फेरबदललाई यससँग जोडेर हेरिएको छ।
प्रदेश सरकारको आन्तरिक संयोजनमा फेरबदलको संकेतस्वरूप भएको यो निर्णयले आगामी दिनमा बागमती प्रदेशको सत्ता समीकरणमा थप उतारचढाव आउने अड्कल गरिएको छ।
