काठमाडौं: नेपाली कांग्रेसका वरिष्ठ नेता तथा राष्ट्रिय सभामा कांग्रेस संसदीय दलका नेता कृष्णप्रसाद सिटौलाले वर्तमान सरकार जनअपेक्षाअनुसार काम गर्न नसकेको टिप्पणी गरेका छन्। तर, उनले सरकारलाई निरन्तरता दिने विकल्प नै उचित हुने स्पष्ट पारेका छन्।
आइतबार काठमाडौंमा आयोजित पत्रकार सम्मेलनमा बोल्दै सिटौलाले भने, “सरकारले सोचेजस्तो काम गर्न सकेको छैन, तर अहिलेको सरकारलाई निरन्तरता दिनु नै उपयुक्त हुन्छ। यसको विकल्पमा नयाँ सरकार बन्ने परिस्थिति छैन।”
यसबाहेक, उनले नेपाली कांग्रेसको १५औं महाधिवेशन आगामी २०८३ सालको दशैंको आसपासमा हुने जानकारी पनि दिए। उनका अनुसार क्रियाशील सदस्यताको समयसीमा कायमै रहेको हुँदा दशैंअघि महाधिवेशन सम्भव नभएको हो।
