सिन्धुली: सिन्धुलीको गोलाञ्जोर गाउँपालिका–६ बागेश्वरमा एकै परिवारका १६ जना सदस्य सम्पर्कविहीन भएका छन्।
गोलाञ्जोर–६ का वडाअध्यक्ष रबिन श्रेष्ठका अनुसार उर्मिला हायुको परिवारका सबै सदस्य अचानक सम्पर्कविहीन भएका हुन्। उनीहरू बसोबास गर्दै आएको घरमा मान्छे कोही नभेटिएको र पालिएका चौपाया मात्रै अलपत्र अवस्थामा फेला परेको उनले जानकारी दिए।
वडाअध्यक्ष श्रेष्ठले परिवार सम्पर्कविहीन भएको खबर पाएपछि तत्काल खोजी कार्य सुरु गरिएको बताए। हालसम्म उनीहरू बेपत्ता हुनुको कारण खुलेको छैन।
