काठमाडौं: परराष्ट्रमन्त्री डा. आरजु राणा देउवाले हालको सत्ता गठबन्धनले मुलुकमा राजनीतिक स्थायित्व ल्याएको दाबी गरेकी छिन्।
पोखरामा आयोजित एक कार्यक्रममा बोल्दै उनले कांग्रेस सभापति शेरबहादुर देउवा र एमाले अध्यक्ष केपी शर्मा ओलीको पहलमा बनेको गठबन्धनले देशलाई स्थायित्वको दिशामा अघि बढाएको उल्लेख गरिन्।
उनका अनुसार राजनीतिक स्थायित्व कायम भएकै कारण अन्तर्राष्ट्रिय समुदायमा नेपालको छवि सुध्रिएको छ। साथै, अहिलेको सरकारले आर्थिक सुधारका स्पष्ट संकेत देखाएको पनि उनको भनाइ थियो।
राणाले वर्तमान प्रधानमन्त्री ओली नेतृत्वको सरकार दृढ भिजनसहित अघि बढिरहेको दाबी गर्दै आर्थिक सूचकहरू सकारात्मक बन्दै गएको धारणा व्यक्त गरिन्।
