काठमाडौं: नेपाली कांग्रेस बागमती प्रदेश संसदीय दलको नेतामा इन्द्र बानियाँ विजयी हुनुभएको छ।
मुख्यमन्त्रीसमेत रहनुभएका बहादुरसिंह लामा तामाङविरुद्ध संसदमा दर्ता भएको अविश्वास प्रस्ताव पारित भएपछि कांग्रेसले नयाँ नेता चयनका लागि आज मतदान गराएको थियो। उक्त निर्वाचनमा बानियाँ र लामा प्रतिस्पर्धी बन्नुभएको थियो।
कुल ११० सदस्यीय बागमती प्रदेशसभामा कांग्रेसका ३७ सांसद रहेकोमा आज सम्पन्न मतदानमा सबै ३७ सांसदले मतदान गर्नुभएको थियो।
बानियाँले २२ मत पाएर संसदीय दलका नेतामा निर्वाचित हुनुभयो भने तामाङले १४ मत पाउनुभयो । एक मत बदर भएको छ।
