काठमाडौं, २८ साउन — नेपाली कांग्रेसका सांसद रामहरि खतिवडाले राज्य व्यवस्था तथा सुशासन समितिको सभापति पदबाट औपचारिक रूपमा राजीनामा दिएका छन्।
हिजो सदनमार्फत राजीनामा दिएको घोषणा गरे पनि, आज उनले सभामुख देवराज घिमिरेसँग भेट गरी पत्र बुझाएका हुन्।
‘साउन २७ गते बसेको संघीय संसद, प्रतिनिधिसभाको बैठकमा मैले बोल्ने क्रममा प्रतिनिधिसभाअन्तर्गतको राज्यव्यवस्था सुशासन समितिको सभापति पदबाट राजीनामा दिने घोषणा गरे बमोजिम आजैबाट लागू हुने गरी समितिको सभापति पदबाट राजीनामा गरेको बेहोरा अनुरोध गर्दछु’, खतिवडाले बुझाएको राजीनामापत्रमा उल्लेख छ।
