काठमाडौंः प्राइम कमर्सियल बैंकगत आर्थिक वर्षको मुनाफाबाट शेयरधनीहरुलाई वितरण गर्ने लाभांश प्रस्ताव पारित गर्न
पुस ६गते सोमबार १४ औँ साधारण सभा आफ्नो केन्द्रिय कार्यालय, कमलपोखरी काठमाडौंमा बोलाएको छ।
साधारण सभाको कार्यक्रम बिहान ११ बजे शुरु हुनेछ भने कोभिड १९ महामारीको जोखिमका कारण साधारण सभामा सहभागी हुन इच्छुक शेयरधनीहरुलाई भिडियो कन्फ्रेन्सका लागि जुम आईडि र पासकोड उपलब्ध गराउने व्यवस्था पनि गरिएको छ।
सभामा हाल कायम चुक्ता पूँजीको शेयर धनिलाइ दिने लाभांश १६प्रतिशतका दरले बोनस शेयर र करसहित ०.६३ प्रतिशत नगद लाभांश गरी कुल १६.६३ प्रतिशत लाभांश वितरण गर्ने प्रस्ताव पारित गर्नेछ।
यसका साथै अन्य उपयुक्त बैंक तथा वित्तीय संस्थासँग मर्जर अथवा एक्विजिशन सम्बन्धि कार्य गर्न सञ्चालक समितिलाई अख्तियारी दिने लगायतका प्रस्तावहरु पारित गर्नेछ।
साधारण सभा प्रयोजनार्थ बैंकले मंसिर २२ गते एक दिनको लागि बुकक्लोज गर्ने भएको छ। यस अनुसार मंसिर २१ गतेसम्म नेप्सेमा कारोबार भइ कायम शेयरधनीहरुले बैंकको साधारण सभामा सहभागिता जनाउनुका साथै बैंकले वितरण गर्ने लाभांश प्राप्त गर्न सक्नेछन।
