काठमाडौँ: निर्वाचन आयोगले हालसम्म छ लाख २० हजार नयाँ मतदाता नामावलीमा समावेश भएको जानकारी दिएको छ। आयोगका अनुसार सोमबार राति ९ बजेसम्म प्राप्त तथ्यांकमा तीन लाख ११ हजार ४१४ जना नियमित सर्वरमार्फत् र तीन लाख ८ हजार ५८५ जना राष्ट्रिय परिचयपत्रको आधारमा सूचीकृत भएका छन्।
जेन–जीलाई लक्षित गर्दै अध्यादेशमार्फत् मतदाता नाम दर्ता पुनः खुला गरिएको आयोगले जनाएको छ। आगामी फागुन २१ गते हुने प्रतिनिधिसभा निर्वाचनलाई ध्यानमा राख्दै मतदाता नामावली सङ्कलन तीव्र रूपमा जारी छ।
पहिलो चरणमा कात्तिक ३० गतेसम्म मात्र नाम दर्ताको समय सीमित गरिएको थियो। तर माग बढेपछि आयोगले समय थपेर मङ्सिर ५ गतेसम्म नाम दर्ता खुला रहने व्यवस्था मिलाएको छ।
