काठमाडौँ: मन्त्रिपरिषद् बैठकले राष्ट्रपति रामचन्द्र पौडेलले आज सङ्घीय संसद्को दुवै सदनको संयुक्त बैठकमा गर्ने सम्बोधन स्वीकृत गरेको छ।
आज अपराह्न ४ बजे बस्ने संयुक्त बैठकमा राष्ट्रपतिले सरकारको नीति तथा कार्यक्रम प्रस्तुत गर्ने कार्यसूची रहेको छ।
मन्त्रिपरिषद् बैठकपछि सञ्चारकर्मीहरूसँग कुरा गर्दै सरकारका प्रवक्ता तथा शिक्षा, विज्ञान तथा प्रविधिमन्त्री सुस्मित पोखरेलले नेपालको संविधानको धारा ९५ बमोजिम राष्ट्रपतिले गर्ने सम्बोधन स्वीकृत गरिएको जानकारी दिए।
संवैधानिक व्यवस्था अनुसार निर्वाचनपछिको पहिलो संसद् बैठक तथा प्रत्येक वर्षको पहिलो संसद् बैठकमा राष्ट्रपतिले सम्बोधन गर्ने प्रावधान रहेको छ।
