काठमाडौं। पूर्वराजा ज्ञानेन्द्र शाहद्वारा पृथ्वीनारायण शाहको शालिकमा माल्यार्पण भएको छ । पुष २७ गते आज ३०० औ पृथ्वीजयन्ती तथा राष्ट्रिय एकता दिवसको अवसरमा उहाद्वारा पृथ्वीनारायण शाहको शालिकमा माल्यार्पण गरिएको हो ।
पूर्वराजा ज्ञानेन्द्र शाहले सिंहदरबारको पश्चिम गेट अगाडि रहेको शालिकमा माल्यार्पण गर्नु भएको हो ।
पुर्वराजा सिंहदरवार अगाडी पुग्दा ठूलो संख्यामा पूर्वराजाका समर्थक पनि जम्मा भएका थिए, समर्थकले गणतन्त्र मुर्दावादको नारा लगाएका थिए ।
पूर्वराजाले भने कुनैपनि विषयमा केहि प्रतिक्रिया भने दिनु भएन। माल्यार्पणको काम सकेर कुनै प्रतिक्रिया नदियरै त्यहाबाट उहा निस्कनु भएको हो ।
यस अघि राष्ट्रपति विद्यादेवी भण्डारीले लगायत विभिन्न राजनीतिक दलका नेता तथा मन्त्रीसहित सरकार कर्मचारी पनि माल्यार्पण कार्यक्रममा सहभागी भईसकेका छन् ।
