नेपाल सरकारद्वारा लिम्पियाधुरा कालापानी र लिपुलेक बारेमा आफ्नाे धारण सार्बजनिक गरेको छ । सरकारले महाकाली नदी पूर्वका लिम्पियाधुरा कालापानी र लिपुलेक नेपालको अभिन्न भूभाग रहेको धारणा सार्वजनिक गरेको हो ।
सञ्चार तथा सूचना प्रविधि मन्त्रालयमा आज आयोजित पत्रकार सम्मेलनमा नेपाल सरकारका प्रवक्ता एवं सञ्चार तथा सूचना प्रविधिमन्त्री ज्ञानेन्द्रबहादुर कार्कीले महाकाली नदीपूर्वका लिम्पियाधुरा, लिपुलेक र कालापानी नेपालको अभिन्न भूभाग हो भन्ने तथ्यमा नेपाल सरकार दृढ र स्पष्ट रहेको बताएका छन् ।
मन्त्री कार्कीका अनुसार नेपाल सरकारले भारत सरकारलाई नेपाली भूभाग भएर जाने कुनै पनि किसिमको एकपक्षीय सडक निर्माण र विस्तार रोक्न आग्रह गर्दै आएको जानकारी गराउका हुन् ।
नेपाल–भारत बीच घनिष्ठ र मैत्रीपूर्ण सम्बन्धको मर्म र भावना अनुसार दुई देश बीचको सीमा समस्याको समाधान ऐतिहासिक सन्धिसम्झौता तथा नक्सा र प्रमाणका आधारमा कूटनीतिक माध्यमबाट गर्न नेपाल सरकार प्रतिबद्ध समेत रहेको उनले बताएका छन् ।
भारतले पहिले नै नेपालले कालापानी लिम्पियाधुरा सहितकाे नयाँ नक्सा सार्बजनिक गरे लगत्तै आफुलाइ उक्त नक्सा मान्य नभएकाे धारणा दिइसकेकाे छ । लिम्पियाधुरा कालापानी र लिपुलेक सहितकाे नया नक्सा केहि पहिले केपी शर्मा ओली सरकारले सार्बजनिक गरेकाे थियाे ।
