काठमाडौँ: प्रमुख प्रतिपक्षी दल नेपाली कांग्रेसले आज आफ्ना प्रदेशस्तरीय मुख्यमन्त्रीहरूसँग छलफल गर्ने भएको छ। बैठक दिउँसो १ बजे पार्टी केन्द्रीय कार्यालय सानेपामा बस्नेछ।
छलफलमा सातै प्रदेशका पार्टी सभापति तथा प्रदेश संसदीय दलका नेताहरूको सहभागिता रहने जनाइएको छ। बैठकमा प्रदेश सरकारको मन्त्रालय संख्या घटाउने र शासनलाई थप प्रभावकारी बनाउने विषयमा केन्द्रित छलफल हुने बताइएको छ।
हाल कांग्रेसले मधेस, बागमती, गण्डकी र सुदूरपश्चिम प्रदेश सरकारको नेतृत्व गरिरहेको छ।
