काठमाडौं । साताको अन्तिम दिन आज सेयर बजार दोहोरो अंकले घटेर नेप्से परिसुचक २७ सय तल झरेका छ । एकदिन अघि बुधबार दोहोरो अंकले घटेको सेयर बजार साताको अन्तिम दिन आज पनि नेप्से परिसूचक ५८ दशमलव ९९ अंकले घटेर २ हजार ६ सय ६१ दशमलव ४४ अंकमा पुगेको छ ।(क) वर्गका कम्पनीहरुको कारोबार मापन गर्ने सेन्सेटिभ इन्डेक्स पनि १० दशमलव ३६ अंकले घटेको छ । नेप्से परिसूचक घटेपनि सेयर कारोबार रकममा भने बुधबारको तुलनामा केहि सुधार भएर बुधबारको ३ अर्बको कारोबारबाट रकम ४ अर्ब नाघेको छ ।
आज ६५ हजार ११ कारोबारबाट २२९ कम्पनीका ८४ लाख ९० हजार ६८९ कित्ता सेयर किनबेच भएकोमा कारोबार रकम बढेर ४ अर्ब २९ करोड ३८ लाख ६४ हजार १९२ रुपैयाँ पुगेको हो ।
आजको कारोबारमा सबैभन्दा धेरै नोक्सान फाइनान्स कम्पनीहरुका लगानीकर्ताहरुलाई भएको छ । फाइनान्स कम्प्नीहरुको सब इन्डेक्स ३ प्रतिशत भन्दा धेरैले घटेको छ ।
धेरै बढी नाफा दिने आजको कम्पनीमा भने हिमालयन जनरल इन्स्योरेन्स पहिलो नम्बरमा देखिएको छ । बजार पुरै घट्दा पनि यो कम्पनीको सेयर मूल्य ९ प्रतिशत भन्दा धेरैले बढेको छ ।
