रुकुममा छोरा माथि गाेली प्रहार आरोपमा बाबू पक्राउ ।

सुर्खेत।जिल्ला प्रहरी कार्यालय रूकुमपश्चिमले भरूवा बन्दुक सहित एकजनालाई पक्राउ गरेकाे छ । जिल्लाकाे बाँफिकोट गाउँपालिका-१० बस्ने ५८ वर्षीय चन्द्र बहादुर वलीलाई भरूवा बन्दुक सहित सोमबार बिहान प्रहरीले पक्राउ गरेको हाे ।
घरायसी झगडामा मादक पदार्थ सेवन गरी वलीले आफ्नै छोरालाई गोली प्रहार गरेको प्रहरीले जनाएकाे छ । मादक पदार्थ सेवन गरेकै अवस्थामा छाेरालाई प्रहार गरेकाे गाेलीकाे निशाना चुकेपछि मानवीय क्षति हुनबाट जाेगिएकाे कर्णाली प्रदेश प्रहरी कार्यालय सुर्खेतका प्रवक्ता माधव श्रेष्ठले बताएकाछन् । प्रदेश
गाेली चलेकाे खबर प्राप्त हुनासाथ जिल्ला प्रहरी कार्यालय रूकुम पश्चिमबाट खटिएको प्रहरीटाेलीले उनलाई भरूवा बन्दुक सहित पक्राउ गरेको प्रवक्ता श्रेष्ठले बताएकाछन् । घटनाकाबारेमा प्रहरीले थप अनुसन्धान भइरहेका प्रहरीले जनाएकाे छ ।