रामेछाप प्रदेश सभा (ख) मा लोकतान्त्रिक बाम गठबन्धनको पहिलो चरणको कार्यक्रम सम्पन्न दोस्रो चरणको आज बाट सुरु

रामेछाप प्रदेश सभा (ख) मा लोकतान्त्रिक बाम गठबन्धनको पहिलो चरणको कार्यक्रम सम्पन्न
रामेछाप– रामेछाप प्रदेश सभा (ख) मा लोकतान्त्रिक बाम गठबन्धनले पहिलो चरणको कार्यक्रम सम्पन्न गरेको छ । असोज ३१ गते देखि नेपाली काँग्रेस र नेकपा माओवादी केन्द्रले संयुक्त रुपमा सुरु गरेको वडा स्तरीय सभा तथा मतदाता भेटघाट कार्यक्रम बुधबार सम्पन्न भएको हो ।
रामेछाप प्रदेश सभा (ख) को मन्थली नगरपालिका वडा नं ८ चिसापानीबाट सुरु भएको अभियान मन्थली नगरपालिका वडा नं ७ भटौली आइपुगेर सम्पन्न भएको हो । वडा स्तरीय सभा तथा मतदाता भेटघाट कार्यक्रममा माओवादीबाट प्रदेश सभा सदस्यको उम्मेद्वार रहेका युबराज चौलागाईं र नेपाली काँग्रेस प्रदेश सभा (ख) का सभापति तथा चुनावी प्रचारप्रसार सयोजक राजेश कुमार श्रेष्ठ तथा नेकपा माओवादी केन्द्रका र नेपाली कंग्रेसका नेता तथा कार्यकर्ता र आम मतदाताको सहभागितमा रहेको थियो ।
रामेछाप प्रदेश सभा (ख) का विभिन्न ठाउँमा भएका वडा स्तरीय सभा तथा मतदाता भेटघाटका क्रममा मतदाताहरुले आफ्नो वडा तथा टोलमा रहेका समस्याहरु उम्मेद्वारहरुलाई राखेका थिए । मतदाताहरुले वडा तथा टोलमा भएका समस्याहरु राखेपछि उम्मेद्वारहरुले स्थानीय नागरिकहरुले विगत देखि भोग्दै आएका विभिन्न समस्याहरुलाई गठबन्धनमा आबद्ध रहेका दलहरुका केन्द्रीय घोषणा पत्र र आफूहरुले संयुक्त रुपमा तयार पारेको प्रतिबद्धता पत्रमा समधान गर्ने गरी उल्लेख गरेको बताउँदै निर्वाचित भएपछि क्रमशः पुरा गर्दै जाने प्रतिबद्धता जनाएका छन् ।
अभियानको क्रममा लोकतान्त्रिक बाम गठबन्धन गरेर चुनाब लड्नुको कारण बताउँदै जनताको लामो संघर्षपछि बनेको संविधान नै सिध्याउने गरी केपी ओली नेतृत्वमा रहेको नेकपा एमालेले संविधन विपरित काम गर्न थालेपछि परिवर्तनकारी दल नेपाली काँग्रेस, नेकपा माओवादी केन्द्र लगायतका दलहरु मिलेर संविधान बचाउन गठबन्धन गरेर चुनावमा आएको दावी गरेका छन् ।
रामेछाप प्रदेश सभा (ख) मा आज देखि दोस्रो चरणको प्रचारप्रसार प्रतिनिधि सभाका उमेदवार पुर्ण बहादुर तमाङ “कान्छाराम” सहितको सिङ्गो टिम आज मन्थली नगरपालिका वाडा ८ चिसापानीबाट सुरु हुने चुनावी प्रचारप्रसार सयोजक राजेश कुमार श्रेष्ठले दोभानचौर खबरलाई जानकारी गराउनुभयो।