काठमाडौं-अरुण काबेली पावरले शतप्रतिशत हकप्रद सेयर दिने भएको छ।
कम्पनीले उक्त हकप्रद सेयर निष्कासनको लागि विक्री प्रबन्धकमा नबिल इन्भेष्टमेण्ट बैंकिङ लिमिटेडलाई नियुक्त गरेको छ। हकप्रद सेयर निष्कासनका लागि कम्पनी र नबिल इन्भेष्टमेण्ट बैंकिङ बीच सम्झौता भएको हो।
कम्पनीले शतप्रतिशत अर्थात् १ः१ अनुपातमा हकप्रद सेयर निष्कासन गर्ने प्रस्ताव भदौ २६ गते सम्पन्न साधारण सभाबाट पारित गरेको थियो।
अब कम्पनीले आवश्यक प्रक्रिया पुरा गरेर नियामक निकाय जलविद्युत् नियमन आयोग र नेपाल धितोपत्र बोर्डमा निवेदन दिई स्वीकृती पाएपछि हकप्रद सेयर निष्कासन गर्नेछ।
