क्यालिफोर्निया । गैर आवासीय नेपाली संघ राष्ट्र्रिय समन्वय परिषद् अमेरिकाका अध्यक्ष पदका उम्मेदवार डिलु पराजुलीको क्यालिफोर्नियामा भएको भेटघाट तथा अन्तरक्रिया कार्यक्रममा हात हालाहालको अवस्था सिर्जना भएको थियो । डिकेन्द्र मास्केको अध्यक्षमा सञ्चालन भएको उक्त कार्यक्रममा क्यालिफोर्निया च्याप्टर अध्यक्षका प्रत्यासी तीन जना उम्मेदार मध्य केपी ढकाल र हरि ओझा समुहबीच हात हालाहालको अवस्था सिर्जना भएको हो ।
ओझा र ढकाल समुहबीच कार्यक्रममै हात हालाहालको अवस्था सृजना भएको हो । उक्त कार्यक्रममा तीनै जना अध्यक्षलाई बोल्न दिएको थियो । अन्तिममा ओझा बोल्दा आफ्नो टिमका सदस्यहरुलाई बोलाएर बोल्न लगाउँदा छापामार शैलीमा विनोद पून मगरले यो अन्याय भयो ढकालको टिमलाई बोल्न दिइएन भन्दै हो हल्ला गर्दा हात हालाहालको अवस्था सिर्जना भएको थियो।
दुई समुहबीच ओझालाइ धेरै समय सम्म बोल्न दिएको भन्दै कुरा बाझिदै जाँदा स्थिती तनाव बनेको थियो । सार्वजनिक एक भिडियोमा विनोद एक्कासी सिधै स्टेजमा गएर कार्यक्रममा बोलिरहेका व्यक्तिको माइक खोस्न लागेको देखिन्छ । उनी माइक खोस्न स्टेजमा पुगेपछि एक अर्का व्यक्ति पनि स्टेजमा पुगेर उनलाई धकेला धकेल गर्दै पछाडितिर लिन्छन् । यसैबीच उनीहरुबीच एक आपसमा हात हालाहालको अवस्था सिर्जना भएको थियो ।
