मरिण गाउँपालिका भित्रका १८ बर्ष उमेर पुरा नभएका बालकबालिकालाई मासिक २ हजार भत्ता उपलब्ध गराउँन लागिएको गाउँपालिकाले एक सूचना जारी गर्दै जानकारी दिएको हो।
बागमती प्रदेश सरकारबाट स्वीकृत आर्थिक बर्ष २०८०र ८१ मा कार्यान्वयन हुने सर्शत कार्यक्रम अन्तर्गत बाबु आमा बिहिन बालबालिका संरक्षण लागी
मासिक २ हजार भत्ता उपलब्ध हुने गाउँपालिकाले जनाएको छ।
आमाबुबा बिहिन बालबालिकाले भत्ताका लागी जन्म दर्ता प्रमाण पत्रको प्रतिलिपि वा नागरिकता भएमा नागरिकताको प्रतिलिपि, बाबु आमा दुबैको मृत्यु दर्ता प्रमाण पत्रको प्रतिलिपि वा दुबै बेपत्ता भएका दुबैको संरक्षण र रेखदेखको बञ्चितमा परेको कागजात, ५ बर्ष उमेर पुगेका बालबालिकाको हकमा बिद्यालयमा भर्ना भई नियमित बिद्यालय जाने गरेको भनी विद्यालयले दिएको सिफासिर पत्र, संरक्षकको नागरिकताको प्रमाण पत्रको प्रतिलिपि र सम्बन्धित बालबालिकाको संरक्षण हो भनी वडा कार्यलयले दिएको सिफारिस पत्र सहित पुष ७ गते सम्म मरिण गाउँपालिकाको सम्बन्धित वडा कार्यलयहरुमा निबेदन पेश गर्नुपर्ने गाउँपालिकाले जानकारी दिएको छ।
