हेटौंडा/ राष्ट्रिय मानव अधिकार आयोग बागमती प्रदेश कार्यालय र न्यानो आँगन नेपालले हेटौंडा-९, पशुपतिनगरस्थित प्रगति माध्यमिक विद्यालयमा अध्ययनरत विद्यार्थीलाई आत्महत्या तथा न्यूनीकरण व्यवस्थापन सम्बन्धि अभिमुखीकरण कार्यक्रम आयोजना गरेको छ । राष्ट्रिय मानव अधिकार आयोग बागमती प्रदेश कार्यालयका निमित्त आयुक्त रेवा रेग्मीको सभाध्यक्ष तथा हेटौंडा-९, नम्बर वडा कार्यालयका अध्यक्ष शुक्रराम केसीको प्रमुख आतिथ्यतामा कार्यक्रम भएको हो ।
अध्यक्ष केसीले एसईई पास भएका विद्यार्थीलाई ६० प्रतिशात छात्रवृत्ति छुट्टयाइएको, साउन महिनादेखि ल्यावको व्यवस्थापन, विद्यार्थी र २ सय विपन्न परिवारको बिमा गरिसकेको तर सम्पन्न परिवारको पहुँचले गर्दा कार्यान्वयनमा वाधा समेत पुर्याउन खोजिएको जानकारी दिए ।
आत्महत्या न्यूनीकरण र तनाव व्यवस्थापनबारे स्वास्थ्य निर्देशनालय बागमती प्रदेश हेटौंडा, मकवानपुरका नर्सिङ अधिकृत रोशना घिमिरेले विद्यार्थीलाई सहजीकरण गरेकी छिन् । उनले मानसिक स्वास्थ्य समस्याका संकेतहरु, तानव, तनावका कारणहरु, तनावका लक्षणहरु, आत्महत्या लक्षण तथा संकेत, तनाव व्यवस्थापनका उपायबारे सहजीकरण गरेकी छिन् । यस्तै उनलेे सकारात्मक सोच राख्न, तनाव महसुस भएका विभिन्न क्रियाकलाप विद्यार्थीलाई आग्रह गरिन् ।
यसैगरी राष्ट्रिय मानव अधिकार आयोग बागमती प्रदेश कार्यालय हेटौंडा मकवानपुरका आयुक्त रेवा रेग्मीले मानव अधिकार भनेको के हो? मानव अधिकारका कानुनी व्यवस्था तथा प्राबधानबारे सहजीकरण गरिन् ।कार्यक्रममा न्यानो आँगन मकवानपुरका संयोजक मन्जु फूयाँल, प्रगति माध्यमिक विद्यालय व्यवस्थापन समितिका अध्यक्ष ज्ञ्यानेन्द्र लामिछाने, प्रगति माध्यमिक विद्यालयका प्रधानाध्यापक निरन्जन ढकाल, विद्यालय व्यवस्थापन समितिका सदस्य नवराज कोइराला लगायत शिक्षक र विद्यार्थीको सहभागीता रहेको थियो ।
