बागमती प्रदेश प्रहरी कार्यालय हेटौंडाले मातहत कार्यालयका कर्मचारीको कार्य मुल्याकंन गर्दै जिल्ला प्रहरी कार्यालय रामेछापका प्रहरी प्रमुख डिएसपी प्रदिप कुमार सिंह सम्मानित भएका छन।
नेपाल प्रहरीले सुम्पिएको जिम्मेवारीलाई उच्च प्राथमिकता दिई इमान्दारिताका साथ कर्तव्यनिष्ठ तवरले कुशलतापूर्वक कार्य सम्पादन गरेकाले रामेछापका प्रहरी प्रमुख डिएसपी प्रदिप कुमार सिंह, सिन्धुलीका एसपी गोबिन्द राज काफ्ले , नुवाकोटका प्रमुख शान्तिराज कोइराला लगाएतलाई सम्मान गरिएको बागमती प्रदेश प्रहरी कार्यालय हेटौडाका प्रमुख डिआईजी बिष्णु कुमार केसीले दोभानचौर खबरलाई जानकारी दिए ।
बागमती प्रदेश अन्तर्गत सम्मान हुने उत्कृष्ट कर्मचारीलाई नगदसहित डिआईजी केसीले सम्मान गरेका हुन् । सम्मानित हुनेहरुमा प्राविधिक डिएसपी सत्य नारायण जयसवाल, प्रहरी निरीक्षक (इन्स्पेक्टर) दिपक सुवेदी, रविन्द्र कुमार श्रेष्ठ, दिनेश प्रसाद खरेल लगायत रहेका छन् ।
