सिन्धुलीका ६ स्थानमा यात्रु सहायता कक्ष स्थापना

सिन्धुली । सिन्धुलीको विभिन्न ६ स्थानमा यात्रु सहायता कक्ष स्थापना गरिएको छ । जिल्ला प्रहरी कार्यालय सिन्धुलीले चाडपर्वका लागि लामो तथा छोटो यात्रामा हिँडेका यात्रुको सुरक्षित यात्राका लागि यात्रु सहायता कक्ष स्थापना गरेको हो ।
चाडबाडमा हुनसक्ने लुटपाट नियन्त्रण गर्न र आपतकालीन अवस्थामा परेका यात्रुलाई तत्काल सहायता गर्ने जस्ता कार्यका लागि यात्रु सहायता कक्ष संचालन गरिएको जिल्ला प्रहरी कार्यालय सिन्धुलीका प्रमुख प्रहरी उपरिक्षक गोविन्दराज काफ्लेले जानकारी दिए ।
उहाँका अनुसार सिन्धुलीको सदरमुकाम स्थित बसपार्क, खुर्कोट बजार, कपिलाकोटको छाप, भिमान, दुधौलीको डकाहा र दुधौली बजारमा सहायता कक्ष स्थापना गरि उद्घाटन गरिएको छ । यात्रु सहायता कक्ष छठ पर्वसम्म सञ्चालनमा रहने छ ।
यात्राका क्रममा असहजता महसुस भए ती सहायता कक्षमा उजुरी वा गुनासो गर्ने व्यवस्था गरिएको जिल्ला प्रहरी कार्यालय सिन्धुलीले जनाएको छ ।