रामेछाप । मन्थली नगरपालिकालाई समस्या नै समस्याको चाङ्ग बनाएर नगरका प्रशासकीय प्रमुख हरि चापागाईं सरुवा भएका छन् । कर्मचारी संचालन देखि उपभोक्ताको भुक्तानी समेतलाई विभिन्न समस्या देखाउदै सिङ्गो नगरलाईनै समस्याको चाङ बनाएर प्रमुख चापागाई संघीय मामिला तथा प्रशासन मन्त्रालय सरुवा भएर गएका हुन।
चापागाईंले कानुनलाई समेत पालना गरेनन् स्थानीय सरकार संचालन ऎन २०७४ समेतलाई बेवास्ता गर्दै करारका कर्मचारीलाई वडा सचीवको जिम्मेवार दिए । मन्थली नगरपालिका १० मा रमा घिमिरे करारको कर्माचारी हो । घिमिरेलाई चापागाईंले कानुन अटेर गर्दै सचिबको जिम्मेवारी दिएका थिए ।
एउटा सार्वजनिक सुनुवाइमै प्रशासकीय प्रमुख चापागाईंले सेवाग्राहीलाई समेत विभेदकारी व्यवहार गर्ने गरेकाे थिए । उनले यस सन्दर्भमा एक सार्वजनिक कार्यक्रममा बाेल्दै सेवाग्राहीले आफुलाई गर्ने व्यबहारकाे आधारमा सेवा प्रवाह गर्ने बताएका थिए ।
यस्तै प्रमुख चापागाईंले पाचौं तहका कर्मचारीलाई शाखामा राखेर छैटौं तहको कर्मचारीलाई वडा सचिबको जिम्मेवारी दिएर कर्मचारीलाई अन्याय गरेकाे गुनासाे छ ।
प्रमुख चापागाईंले मन्थलीमा संचालित हेफरको कार्यक्रम भन्दै इलाम सम्म घुम्न पुगे तर हेफर परियाेजनाले गरेकाे गल्तिमा आँखा चिम्लिदिए । त्यसकारण हेफरले बाडेकाे रोगी बोकाका कारण किसानका खोरनै रित्तिन पुग्याे ।
यस्तै नगरमा संचालित सामि परियाेजनाको कार्यक्रमकाे बाहानामा नगरपालिकाको गाडी प्रयाेग गरेर व्यक्तिगतका लागि खसी राखेर दोरम्बा सैलुङ्ग गाउपालिका पुगेका उनकाे गाडीको फोटो खिचेकाे आराेपमा एक पत्रकारकाे सम्पन्न भएकाे कामकाे समेत भुक्तानी राेकीदिएका थिए ।
यसरी नै प्रमुख चापागाईंकाे चित्त बुझाउन नसकेमा जस्तोसुकै काम गरेपनि यो त्यो बहाना बनाएर समयमा काम नगरेर समस्या निम्तिएकाे समेत एक वडा अध्यक्षले आराेप लगाएका छन् ।
