जनप्रतिनिधिले गरेका नराम्रा काम सबै मुर्दावाद: प्रदेश अध्यक्ष ढुङ्गेल

रामेछाप। जनप्रतिनिधिहरुले कानुनमा रहेर नागरिकको सेवा गर्ने हो। जनप्रतिनिधिले राम्रो काम गर्नुभएको छ यदि कतै नराम्रो काम भए नराम्रो कामको मुर्दावाद गर्ने नेकपा एमाले बागमती प्रदेशका अध्यक्ष कैलाश ढुङ्गेलले बताएका छन।
मंगलबार रामेछापको मन्थलीमा प्रेस चौतारी नेपालले आयोजना गरेको पत्रकार भेटघाट कार्यक्रममा प्रदेश अध्यक्ष ढुङ्गेलले यो ब्यवस्था सबैको साझा ब्यवस्था भएको समेत जनाएका छन। पहिलेको र अहिले तुलना गर्न नसकिने गरि बिकास भएको समेत उल्लेख गरेका छन।
नागरिकहरू असन्तुष्टि छन तर सुन्दर लोकतन्त्रको बिरोध होइन पात्रको कारण केहि समस्या आएका छन। त्यसैले पात्र परिवर्तन यहि लोकतन्त्रमा गर्न सकिने समेत जनाएका छन। काम नगर्ने नेता र पाटीलाई ८४ मा नागरिकले हराउन सकिने समेत उल्लेख गरेका छन।
तपाइको पालिकामा भएका समस्याको बिषय के हो पत्रकारले सोधिएको प्रश्नमा अध्यक्ष ढुङ्गेल भन्छन् : सामान्य हो कसले कति काम गर्यो यो लेखाजोखा नागरिकले राख्छन। काम गर्न दिने हो। ५ बर्षमा काम नभए नागरिकले दण्ड दिन्छन हामि त्यहि हेरेर बसेका छौँ ।
सो कार्यक्रममा नेकपा एमालेका प्रदेश सदस्य माननीय आनन्द श्रेष्ठ, प्रदेश सदस्य प्रेम तामाङ जिल्ला,अध्यक्ष पुरुषोत्तम कडेरिया, जिल्ला उपसचिव मिलन मोक्तान,प्रचार बिभाग सदस्य राकेश श्रेष्ठ, नेकपा एमालेका नेता धुर्ब कार्की, जिला सदस्य दिपक कार्की, नेकपा एमाले मन्थली नगरका अध्यक्ष रामबाबु घिमिरे लगाएतको उपस्थित रहेको थियो।