मन्थली, अखिल नेपाल महिला संघ (क्रान्तिकारी) मन्थली नगर कमिटीको प्रथम नगर सम्मेलन शनिबार मन्थलीको पुरानो एस एसममा भव्य रूपमा सम्पन्न भएको छ। सम्मेलनले मञ्जु माझीको अध्यक्षतामा २७ सदस्य नगर समिति गठन गरेको हो।
निर्वाचित पदाधिकारीहरूमा अध्यक्ष माझिसँगै उपाध्यक्ष भगवती चौधरी, बिन्दा रम्तेल, कल्पना बिसुन्के, सचिव कृपना भुजेल, उप–सचिव सुमिना यात्री, कोषाध्यक्ष दुर्गा वली, कार्यालय सचिव सुमनक्षी क्षेत्री, तथा सल्लाहकारमा विनिता तामाङ र गंगा गिरी रहेका छन्।
कार्यक्रमको प्रमुख आतिथ्य नेपाल कम्युनिस्ट पार्टी (माओवादी केन्द्र) बागमती प्रदेश समिति सदस्य गंगा बुढाथोकीले गर्नु भएको थियो। साथै अखिल नेपाल महिला संघ ( कान्तिकारी) रामेछाप जिल्ला अध्यक्ष गिता बिष्ट र उपाध्यक्ष कमला तामाङको विशेष उपस्थिति रहेको थियो।
कार्यक्रमलाई सम्बोधन गर्दै जिल्ला अध्यक्ष गिता बिष्टले जनआन्दोलनमा महिलाहरूको अमूल्य योगदान स्मरण गर्दै अबको युग महिला सशक्तीकरणको हुने बताइन्। उनले भनिन्, “अब महिलाहरूले केवल आवाज उठाउने होइन, नेतृत्व लिन पनि तयार हुनुपर्छ। नेतृत्व गर्ने आँट र क्षमता हामी महिलामै छ, हामीले नै आफूलाई सिकाएका छौं।”
प्रमुख अतिथि गंगा बुढाथोकीले सम्मेलनको सफलताको प्रशंसा गर्दै भनिन्, “क्रान्तिकारी महिलाहरूको संगठन नै सामाजिक परिवर्तनको आधार हो। यो नेतृत्वले आगामी दिनमा आन्दोलनलाई अझ मजबुत बनाउने बिश्वास रहेको बताएकि छन।
नवनिर्वाचित अध्यक्ष मञ्जु माझीले सम्मेलनमा धन्यवाद व्यक्त गर्दै संगठनलाई गाउँ–गाउँसम्म विस्तार गर्दै महिला सहभागिता अझ बढाउने प्रतिबद्धता जनाइन्।
