काठमाडौं: जेन–जी आन्दोलनका क्रममा गत भदौ २४ गते सर्वोच्च अदालतमा भएको आगजनीपछि पहिलो पटक अदालत परिसरमै पाल टाँगेर इजलास सञ्चालन गरिएको छ।
सो इजलासमा बन्दीप्रत्यक्षीकरण सम्बन्धी निवेदनमाथि सुनुवाइ भएको छ। सर्वोच्चका न्यायाधीश सपना प्रधान मल्ल र न्यायाधीश कुमार रेग्मीको संयुक्त इजलासमा उक्त मुद्दा पेश गरिएको थियो।
अस्थायी रूपमा खडा गरिएको इजलासमा काठका कुर्सी र टेबल राखी एकातिर न्यायाधीश, अर्कोतिर इजलास अधिकृत बस्नुभएको थियो भने नजिकै कानुन व्यवसायीहरूलाई बस्ने व्यवस्था मिलाइएको छ।
