काठमाडौं: नेपाली कांग्रेसले आगामी फागुन २१ गते हुने प्रतिनिधिसभा सदस्य निर्वाचनलाई लक्षित गर्दै आज तीन जिल्लामा चुनावी आमसभाको आयोजना गर्ने भएको छ।
पार्टीका अनुसार बिहान ११ बजे बुटवलमा सभा हुनेछ भने दिउँसो १ बजे बागलुङ बजार र दिउँसो ३ बजे पोखराको अमरसिंहचौरमा आमसभा आयोजना गरिनेछ।
तीनवटै सभालाई पार्टीका सभापति गगनकुमार थापा र उपसभापति विश्वप्रकाश शर्माले सम्बोधन गर्ने कार्यक्रम रहेको छ।
आमसभामार्फत कांग्रेसको स्पष्ट विचार, नीति, कार्यशैली तथा आगामी योजनाबारे जनतालाई प्रत्यक्ष सन्देश दिने पार्टीले जनाएको छ। निर्वाचन नजिकिँदै जाँदा राजनीतिक दलहरूले प्रचारप्रसारलाई तीव्र बनाएका छन्।
