काठमाडौँ: गृह मन्त्रालयले सम्पत्ति शुद्धीकरण ९मनी लाउन्डरिङ० नियन्त्रणमा सहयोग गर्न सरोकारवालासँग अपिल गरेको छ।
मन्त्रालयले जारी गरेको प्रेस विज्ञप्तिमा संयुक्त राष्ट्रसङ्घ सुरक्षा परिषद्को सूचीमा परेका व्यक्ति, समूह वा सङ्गठनसँग सम्बन्धित कुनै पनि विश्वसनीय सूचना प्राप्त भएमा त्यसलाई गोप्य रूपमा उपलब्ध गराउन आग्रह गरिएको छ। त्यस्ता सूचना सूचीकरणका मापदण्डभित्र पर्न सक्ने आधार भएमा विशेष महत्वका साथ लिइने मन्त्रालयले जनाएको छ।
त्यसैगरी, कुनै व्यक्ति, संस्था वा निकायले आफ्नो कार्यसम्पादनका क्रममा गैरकानुनी गतिविधि गरेको पाइएमा पनि त्यसबारे जानकारी गराउन मन्त्रालयले अनुरोध गरेको छ।
मन्त्रालयले यस्ता सूचनाहरू नजिकको जिल्ला प्रशासन कार्यालय, स्थानीय प्रशासन वा प्रदेश समन्वय शाखामा उपलब्ध गराउन आग्रह गरेको छ। यो अपिल सम्पत्ति शुद्धीकरण ९मनी लाउन्डरिङ० निवारण ऐन, २०६४ तथा सोसम्बन्धी नियमावली, २०८१ अनुसार गरिएको हो।
