काठमाडौँ: संयुक्त राज्य अमेरिकाका दक्षिण तथा मध्य एसियाली मामिलासम्बन्धी विशेष दूत सर्जिओ गोरले राष्ट्रिय स्वतन्त्र पार्टी (रास्वपा) का सभापति रवि लामिछानेलाई निर्वाचनमा प्राप्त सफलताका लागि बधाई दिएका छन्।
यहाँस्थित अमेरिकी दूतावासका अनुसार विशेष दूत गोरले मङ्गलबार टेलिफोनमार्फत बधाई व्यक्त गरेका हुन्।
टेलिफोन वार्ताका क्रममा उनले अमेरिका नेपालको नयाँ सरकारसँग सहकार्य गर्दै आर्थिक साझेदारीलाई अझ मजबुत बनाउने तथा दुई देशबीचको मित्रता थप प्रगाढ बनाउन इच्छुक रहेको उल्लेख गरे।
गत फागुन २१ गते सम्पन्न प्रतिनिधिसभा सदस्य निर्वाचनमा २७५ सिटमध्ये रास्वपाले प्रत्यक्षतर्फ १२५ र समानुपातिकतर्फ ५७ गरी कुल १८२ सिट हासिल गरेको थियो।
