काठमाडौँ :निर्वाचन आयोग नेपालले मंगलबार राजनीतिक दलहरूसँग विशेष छलफल गरेको छ । आयोगले निर्वाचनलाई मितव्ययी, प्रविधिमैत्री र व्यवस्थित बनाउने उद्देश्यसहित उक्त छलफल आयोजना गरेको हो ।
छलफलका क्रममा आयोगले २०८४ सालमा हुने स्थानीय तह र प्रदेश सभाको निर्वाचन एकै मितिमा सम्पन्न गर्ने प्रस्ताव राजनीतिक दलहरू समक्ष राखेको छ ।
आयोगका अनुसार आगामी २०८४ वैशाख ३० गते स्थानीय तह र सोही वर्षको मंसिर ४ गते प्रदेश सभाको पदावधि समाप्त हुने भएकाले दुवै निर्वाचन एकैपटक गर्दा राज्यको करिब ४ अर्ब रुपैयाँभन्दा बढी खर्च बचत हुन सक्ने अनुमान गरिएको छ ।
यद्यपि, आयोगले हाललाई प्रस्ताव मात्र अघि सारेको र एकैपटक निर्वाचन गर्ने वा नगर्ने विषयमा कुनै औपचारिक निर्णय नभएको स्पष्ट पारेको छ ।
