रामेछाप सांस्कृतिक कलाकार समाज, खाँडादेवी गाउँपालिका कार्यसमितिको छैटौँ वार्षिक साधारण सभा तथा तेस्रो अधिवेशनले सन्दीप श्रेष्ठको अध्यक्षतामा नयाँ कार्यसमिति चयन गरेको छ। शनिबार काठमाडौंमा सम्पन्न अधिवेशनले सांस्कृतिक क्षेत्रको संरक्षण र कलाकारको हकहितलाई प्राथमिकतामा राख्दै नयाँ नेतृत्व चयन गरेको हो।
नयाँ कार्यसमितिको प्रथम उपाध्यक्षमा राजन खत्री, महिला उपाध्यक्षमा रमिला मोक्तान, सचिवमा सरिता श्रेष्ठ, सह–सचिवमा तुलसा बुढाथोकी, कोषाध्यक्षमा ईश्वर श्रेष्ठ र सह–कोषाध्यक्षमा मेलिना श्रेष्ठ चयन भएका छन्।
यसैगरी सदस्यहरूमा दिलमैया श्रेष्ठ, उस्मिता श्रेष्ठ, श्रीजना श्रेष्ठ र प्रेम श्रेष्ठ निर्वाचित भएका छन्। अधिवेशनबाट बिमला श्रेष्ठ, सुदीप श्रेष्ठ र अपेक्षा खत्रीलाई मनोनीत सदस्यको जिम्मेवारी दिइएको छ।
नवनिर्वाचित नेतृत्वले खाँडादेवी गाउँपालिकासँग सम्बन्धित कलाकार तथा सांस्कृतिक गतिविधिलाई थप व्यवस्थित र प्रभावकारी बनाउने लक्ष्य लिएको जनाएको छ। रामेछापको मौलिक लोककला, लोक तथा दोहोरी गीत र सांस्कृतिक सम्पदाको संरक्षण एवं प्रवर्द्धनलाई प्राथमिकतामा राख्दै कलाकारको क्षमता विकास र सिर्जनात्मक गतिविधि विस्तारमा जोड दिइने बताइएको छ।
त्यस्तै, कलाकारहरूको पेशागत हकहितका लागि पहल गर्ने, नयाँ प्रतिभालाई अवसर प्रदान गर्ने तथा संस्थाका गतिविधिलाई गाउँपालिका र समुदायस्तरसम्म विस्तार गर्ने योजनासहित नयाँ कार्यसमिति अघि बढ्ने अपेक्षा गरिएको छ।
