गजल

दाइ पनि जसलाई सम्झाउनु मात्रै हुन्छ ।
चिन्नु हुदैन अवसर गुमाउनु मात्रै हुन्छ ।।

सोच्दै नसोचेको प्रगति कछुवाको भयो ।
सुस्ताएको खरायो निदाउनु मात्रै हुन्छ ।।

उसको संसार उसैको बैंक नभई दिदा ।
घरमा परदेशीले पैसा पठाउनु मात्रै हुन्छ ।।

अख्तियारले यहाँ भ्रष्टाचार हुन नदिनु ।
चोर्न पल्केको पशु फर्काउनु मात्रै हुन्छ ।।

आफ्नाले हो मौका पाउने या गुमाउने ।
झुल बाहिरका दुश्मन कराउनु मात्रै हुन्छ ।।