नुवाकोटको पञ्चकन्या गाउँपालिका–३ राहुटारका सुमन थापाकाे हत्या भएकाे छ । हत्यामा संलग्न रहेको अभियोगमा चार जनालाई प्रहरीले पक्राउ गरेको छ पक्राउ पर्नेलाई सार्वजानिक भने गरीएको छैन ।
पक्राउ गरेसँगै थापाको शवपरीक्षणका लागि त्रिशूली अस्पतलामा लगिएकाे छ । सुमन बा२ख ६५८७ नंको बसमा सहचालकका रूपमा काम गर्दथे । उनको शव सोमबार राति नुवाकोटको शिवपुरी गाउँपालिका–१ तलाखुमा भेट्टिएको थियो । हत्यामा संलग्न व्यक्तिको पक्राउ माग गर्दैै पीडित परिवारले मङ्गलबार दिनभर उक्त क्षेत्रमा विरोध प्रदर्शन गरेका थिए ।
पक्राउ परीएका व्यक्तिहरु माथि अनुसन्धान सुरु गरीरहेको जिल्ला प्रहरी कार्यालयका प्रहरी नायब उपरीक्षक रुपक खड्काले जानकारी दिनुभएकाे छ । उहाका अनुसार उनी कार्यरत बसमा रगत लत्पतिएको छ भने त्यसभन्दा करिब ४०० मिटर टाढाको दूरीमा शव पाइएको थियो । प्रहरीले हत्या आराेपमा चार जनालाइ पक्राउ गरेर अनुसन्धान सुरु गरेसँगै पीडित परिवारले विरोधका कार्यक्रम स्थगीत गरेका छन् ।
