काठमाडौं । नेपाली कांग्रेसको केन्द्रीय सदस्यमा आनन्द प्रसाद ढुंगाना र रमेश रिजाल निर्विरोध निर्वाचित हुनु भएकाे छ ।
प्रदेश नम्बर २ बाट खुला केन्द्रीय सदस्यमा उम्मेदवारी दिनु भएका दुबै जना ढुंगाना र रिजाल निर्विरोध निर्वाचित हुनु भएकाे हाे ।
यो क्लस्टरबाट जंगीलाल रायले उम्मेदवारी फिर्ता लिएपछि ढुंगाना र रिजाल सर्वसम्मत भएको निर्वाचन समिति सदस्य तेज रावलले जानकारी दिनु भएकाे हाे । निर्विराेध हुने दुबैजना ढुंगाना र रिजाल संस्थापन पक्षका हुनुहुन्छ ।
कांग्रेसको १४ औं महाधिवेशन अन्तर्गत हिजो उम्मेदवारी दर्ता भएको थियो भने उम्मेदवारहरुको मनोनयन फिर्ता लिने समय आज बिहान ११ बजेसम्म ताेकिएकाे थियाे । मनाेनयन फिर्ता लिन ताेकिएकाे समयमा जंगिलाल रायले आफ्नाे उम्मेदवारी फिर्ता लिनुभएकाे हाे । अबकाे केहि समयमा अन्तिम नामावली प्रकाशन गर्ने र भोलि बिहान आठ बजेदेखि मतदान गर्ने निर्वाचन तालिका छ । तालिका अनुसार १२ः१५ बजे अन्तिम नामावली प्रकाशन गर्ने समय ताेकिएकाे छ।
