आगामी आमनिर्वाचनबाट मुलुककै अग्रणी शक्तिको रुपमा स्थापित हुन्छाै भनेर राप्रपा अध्यक्ष राजेन्द्र लिङ्देनले दावी गर्नुभएकाे छ । देशमा परिवर्तन र विकास चाहने ठूलो पङ्क्तिको अपेक्षा राप्रपासँग भएको हुदा अब पार्टीलाई आगामी आमनिर्वाचनबाट मुलुककै अग्रणी शक्तिको रुपमा स्थापित गरेर देखाउने राष्ट्रिय प्रजातन्त्र पार्टीका अध्यक्ष राजेन्द्र लिङ्देनले बताउनु भएकाे छ।
झापाको विर्तामोडमा पार्टीको जिल्ला कार्य समितिले आयोजना गरेको बधाई तथा शुभकामना कार्यक्रममा राजसंस्था र हिन्दूराज्य चाहिन्छ भन्ने समुदायलाई समेटेर आगामी छ महिनाभित्र पार्टीलाई शक्तिशाली बनाउने उहाले दाबी गर्नुभएकाे हाे।
कुर्सीकाे कुनै लोभ नभएर मुलुकमा परिवर्तन ल्याउने हिम्मत बोकेर पार्टीको अध्यक्ष बनेको र अब राप्रपाले सदन र सडक दुवैबाट आफ्नो आवाज उठाउदमा जुन बाटोबाट छिटो उपलब्धि हुन्छ त्यही मार्ग लिने बताउनु भएकाे छ। राप्रपाको अध्यक्षमा निर्वाचित भएपछि उहाकाे याे गृह जिल्ला पुगेर कार्यकर्तालाई सम्बोधन गरेकाे पहिलाे पटक हाे ।
कार्यक्रममा उहा लगायत केन्द्रीय कार्यसमिति सदय र प्रदेश अध्यक्षसहित प्रदेश कार्य समितिमा निर्वाचित झापाका नेताहरूलाई सम्मान गरिएको थियो।
