सुर्खेत । यहि पौष १८ गते देखि गुण एयरलाइन्सले सुर्खेत काडमाण्डौ उडान शुरु गर्ने भएकाे छ । देशका विभिन्न स्थानहरुमा आफ्ना दुईवटा बिचक्राफ्ट थप गरि पाँच वटा जेटस्टीम सहित कुल ७ वटा विमानबाट उडान गरीरहेकाे थियाे भने अब कर्णाली प्रदेशकाे राजधानी सुर्खेतमा पनि एयरलाइन्सले आफ्नाे नियमित उडान गर्ने छ ।
हाल देशका प्रमुख शहरहरु भरतपुर, पोखरा, तुम्लिङटार भैरहवा, नेपालगञ्ज,विराटनगरमा र ३० सिट क्षमताको जेट्स्ट्रीम जहाजबाट सिमरामा नियमित हवाई उडान गरिरहेको गुण एयरलाइन्सले यहि पौष १८ देखि सुर्खेत काठमाण्डौ नियमित उडान शुरु गर्न लागेको कर्णाली प्रदेशका अध्यक्ष निर्मल केसी बताएका छन् ।
हाल सुर्खेत काठमांडाै बुद्ध एयरले मात्र दिनको एक उडान गर्दै आएकाेमा गुण एयरलाइन्काे सेवा थपिएकाे हाे । बुद्धका भाडा दर महंगाे भएका कारणले कर्णाली बासी नेपालगंजबाट सेवा लिइरहेका थिए । दुइ एयरलाइन्स भयमा बुद्धकाे एकाधिकार ताेडिने र प्रतिष्पर्धामा भाडादर केहि घट्नसक्ने आकलन गर्न सकिन्छ ।
पहिलो चरणमा गुण एयरले काठमाण्डौ, सुर्खेत सेवा सुचारु गरेपछि दोश्रो चरणमा सुर्खेत- पोखरा, सुर्खेत – भैरहवा र सुर्खेत – धनगढि पनि उडान गर्ने बताइएको छ ।
