काठमाडाैं । गुणकाे भाेलीबाट काठमाडौँ–सुर्खेत उडान सुरु हुदै तर भाडादर भने बुद्धकै बराबरीमा हुने छ । निजी वायुसेवा कम्पनी गुण एयरलाइन्सले आइतबारदेखि काठमाडौँ–सुर्खेत व्यावसायिक उडान सुरू गर्ने भएको छ । हाल बुद्ध एयरलाइन्सले मात्र काठमाडौँ–सुर्खेतमा हवाई सेवा दिदै आएको छ ।
गुण एयरलाइन्सका प्रवक्ता एवं बजार प्रमुख प्रज्ज्वल थापाका भनुसार आइतबार पुस १८ गते भोलीबाट १८ सिटे जहाजबाट आफ्नो उडानको सुरुआत गर्नेछ ।
अनलाइन टिकटमा काठमाडौैँ–सुर्खेतका लागि रु आठ हजार ५४५, नौ हजार ५४५ र ११ हजार ४२० भाडादर राखेको छ । बुद्ध एयरले मात्र सेवा दिएकोमा भाडादर महगों भएको नयाँ एयरलाईन्स थपिए पछी कर्णालीबासीको भाडादर घट्ने आशा भने सकिएको छ । अनलाईनमा देखाएको भाडादर हेर्दा दुबै एयरको लगभग समान छ ।
प्रवक्ता थापाका भनुसार हाल एयरलाइन्सले दैनिक बिहान ८ः३० बजे काठमाडौँबाट र सुर्खेतबाट ९ः५० बजे उडान भर्ने छ भने यही पुस २६ गतेदेखि भने दिउँसो २ः३० बजे काठमाडौँबाट र सुर्खेतबाट ३ः५० बजे उडान गर्ने बताउनुभयो ।
बुद्ध एयरले भने दैनिक बिहान ७ः२० बजे काठमाडौँबाट उडान भर्दै आएको छ ।
