काठमाण्डौ । राष्ट्रिय प्रजातन्त्र पार्टी (राप्रपा)ले पृथ्वी जयन्तीको दिन सार्वजक बिदा दिन माग गरेकाे छ । राष्ट्रिय प्रजातन्त्र पार्टीले पुस २७ गते मङ्गलवार पृथ्वी जयन्तीको दिन सार्वजनिक बिदा दिन प्रधानमन्त्रीसँग माग गरेको हाे ।
राप्रपाका अध्यक्ष राजेन्द्र लिङ्देन सहितका नेताहरूले प्रधानमन्त्री शेरबहादुर देउवालाई आज आइतवार भेटेर पृथ्वी जयन्तीलाई राष्ट्रिय पर्वको रूपमा मनाउन र पुस २७ गते सार्वजनिक बिदा दिन माग गरेको हो ।
यस्तै नेपाली मुद्रामा पृथ्वीनारायण शाहको तस्बिर राख्न पनि राप्रपाले माग गरेको छ । राष्ट्र एकीकरण गर्ने व्यक्तिलाई कुनै पनि वाद, विवाद र सिद्धान्त भन्दा माथि राखेर सम्मान गर्नुपर्ने राप्रपाले जनाएको हाे ।
साथै माग पूरा नभएमा देशव्यापी विरोधका कार्यक्रम आयोजना गर्ने समेत राप्रपाले चेतावनी दिएको छ ।
