काठमाडौं । राप्रपा अध्यक्ष राजेन्द्र लिङ्देनले पृथ्वीनारायण शाहको शालिकमा माल्यार्पण गर्नु भएको छ । लिङ्देनले मंगलबार पृथ्वी जयन्तीको अवसरमा सिंहदरबारको मुल गेट अगाडि रहेको पृथ्वीनारायण शाहको शालिकमा माल्यार्पण गर्नु भएको हो ।
राप्रपाले प्रत्येक वर्ष पुस २७ गते शुभकामना आदानप्रदान र चियापान कार्यक्रम गर्ने गरेकोमा यसपटक भने सरकारले सार्वजनिक विदा नदिएको भन्दै देशभर विरोध प्रदर्शन गर्दै मनाएको छ ।
विसं १७९९ चैत २५ गते पृथ्वीनारायण राजा हुनु भएको थियो । त्यसअघि नेपाल विभाजित ५२ राज्यलाई पृथ्वीनारायण राजा भएपछि पूर्वमा टिस्टादेखि पश्चिममा चेपे नदीसम्म नेपालको सीमा विस्तार गर्नुभएको थियो । पृथ्वीनारायणको शेषपछि सीमा विस्तारको काम अघि बढेर पश्चिमको किल्ला काँगडासम्म विस्तार भएको इतिहासमा उल्लेख छ ।
आज पुष २७ गते उहाको ३०० औ जन्म जयन्ती हो र एकताका पर्तिकका रुपमा उहाको जन्मदिनलाई पृथ्वी जयन्ती र राष्ट्रिय एकता दिवसको रुपमा मनाउदै आईएको छ । यो वर्ष अघिल्ला वर्षमा जस्तै सार्वजनिक विदा सरकारले दिएन ।
