के मलाइका अरोरा र अर्जुन कपुरको प्रेम सकिएको हो त ?

काठमाडौं । के मलाइका अरोरा र अर्जुन कपुरको प्रेम सकिएको हो त ? अर्बाज खानसँग सम्बन्ध विच्छेद गरेपछि बलिउड अभिनेता अर्जुन कपुर र अभिनेत्री मलाइका अरोराको प्रेम सम्बन्धबारे चर्चा हुँदै आइरहेको छ। मलाइका ४८ वर्षीया हुन् भने अर्जुन ३६ वर्षीय छन् ।

भारतीय सञ्चारमाध्यमका अनुसार उनीहरूको सम्बन्धको धेरै प्रशंसक छन् भने कतिपयले भने उमेरकै कारण उनीहरूको सम्बन्धको मजाक बनाएर उडाने गर्दछन् ।

मलाइका र अर्जुनले भने यसबारे खासै वास्ता गरेको देखीदैन् । उनीहरु नकारात्मक टिप्पणीको बेवास्ता गरेर खुलेआमा प्रेम गरेकै कारण उनीहरूको धेरै प्रसंशक छन् ।

तर विगत केही दिनदेखि यो प्रेमिल जोडीको व्यवहारले फरक संकेत गरिरहेको बलिउड लाइफले जनाएको छ। अहिले उनीहरूको प्रेम सम्बन्ध टुंगिएको हो कि भन्ने अड्कलबाजी चलिरहेका छन् ।

यसको कारणबारे बलिउड लाइफ लेख्छ छ दिनदेखि मलाइका अरोरा घरबाट निस्केकी छैनन्। उनी पूर्णरूपमा आइसोलेसनमा छिन्। उनी अर्जुन कपुरसँग एकदमै रिसाएकी र दुखी भएको बताइएको छ। त्यसैले उनले केही समय अर्जुन र अरूदेखि टाढै बस्ने निधो गरेकी छन् ।

पहिले मलाइकाको घर पुग्ने अर्जुन कपुर यसबीच एकपटक पनि गएका छैनन् । तीन दिनअघि मात्र आफ्नी दिदी रिया कपुरको घरमा बेलुकीको खाना खान पुगेका अर्जुन मलाइकालाई भेट्दै नभेटी फर्किए। मलाइका र रियाको घर एकदमै नजिक छ।

ुरियाको घर पुगेका अर्जुन मलाइकालाई भेट्दा पनि नभेटी फर्किए। जबकि मलाइका अधिकांश समय यस्तो पारिवारिक भेलामा सहभागी हुन्थिन्,ु मलाइका,अर्जुनका निकट स्रोतका भनाइ उद्धृत गर्दै बलिउड लाइफले लेखेको छ।

बलिउड लाइफकै अनुसार अर्जुन दिदी रियाको घर जाँदा हरेकपटक मलाइकालाई भेट्थे। त्यस्तै अधिकांश समय खाना र कफीका लागि भेट्ने यो जोडीले अचेल एकअर्कालाई देखभेट समेत गरेको छैन।

उनीहरूबीच के समस्या भयो भन्नेबारे कुनै जानकारी नभएको बलिउड लाइफले लेखेको छ। तर धेरैले उनीहरूको सम्बन्धमा दरार आएको अनुमान लगाइरहेका छन्।