देशभर पछिल्लो २४ घण्टामा थप पाँच हजार ८७ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा २० हजार ५६० जनाको नमूना परीक्षण गरिएको मध्ये तेह्र हजार ४७४ जनाले पिसिआर र सात हजार ८६ जनाको एन्टिजीन विधिबाट परीक्षण गरिएको थियो ।
बितेको २४ घण्टामा ३०६ जना कोरोना भाइरस सङ्क्रमण मुक्त भएका छन् । यससँगै सङ्क्रमण मुक्त हुनेको सङ्ख्या आठ लाख १५ हजार ६५३ पुगेको छ । यो दर ९६ दशमलव पाँच प्रतिशत रहेको मन्त्रालयले जनाएको छ ।
नेपालमा पिसीआर विधिबाट ४९ लाख ८१ हजार २६० परिक्षण गरिएकोमा आठ लाख ४५ हजार ५०१ र एन्टिजेन विधिबाट आठ लाख ८० हजार ८८२ परिक्षण गरिएकोमा एक लाख १०८ जना सङ्क्रमित पुष्टि भएको मन्त्रालयले जनाएको छ ।
कोभिड बिरुद्धको खोप पछिल्लो २४ घण्टामा तीन लाख २० हजार २६७ जनाले लगाएका छन् भने हाल सक्रिय सङ्क्रमितको सङ्ख्या १८ हजार २३५ रहेको छ ।
पछिल्लो २४ घण्टामा कोरोनाबाट तीन जनाको मृत्यु भएको छ । यो सगैं अहिलेसम्म कोरोनाबाट मृत्यु हुनेको सङ्ख्या ११ हजार ६१३ पुगेको छ र हाल भेन्टेलेटरमा जम्मा २५ र आइसियूमा १११ जना रहेका छन् । होम आइसोलेशनमा १७ हजार २९१, संस्थागत आइसोलेशनमा ९४४ र क्वारेन्टीनमा ११५ रहेका छन् ।
