नारायणगढ–मुग्लिन सडक खण्ड अन्तर्गत इच्छाकामना गाउँपालिका–६ को तीन नम्बर पुलबाट स्करपियो जिप त्रिशूलीमा खस्दा सात जना घाइते भएका छन् । नारायणगढबाट काठमाडौँतर्फ जाँदै गरेको बा १३ च ४३६५ नम्बरको स्करपियो अन्दाजी ६ः०० बजेतिर त्रिशूलीमा खसेको हो ।
जिल्ला प्रहरी कार्यालय चितवनका प्रमुख प्रहरी उपरीक्षक ओप्रसाद अधिकारीका अनुसार सवारी चालकसहित घाइते सबैलाई उपचारका लागि भरतपुर तर्फ ल्याइँदै छ । दुर्घटनाको कारण अहिले नखुलेको र थप जानकारी आउन बाकि रहेको छ ।
