काठमाडौं । नेपाली कांग्रेसका महामन्त्री विश्वप्रकाश शर्मालाई कोरोना संक्रमण भएको छ। उनलाई यसअघि पनि कोरोना संक्रमण भएको थियो र आज मेडिसिटी अस्पतालमा पिसीआर परीक्षण गर्दा शर्मालाई पोजेटिभ देखिएको हो। ।
उनी हाल आइसोलेसनमा बसेको र एक सातापछि पार्टीका काममा फर्कने छन्। महामन्त्री शर्मा र परिवारका सदस्यलाई आठ महिनापछि फेरि कोरोना संक्रमण भएको बताईएको छ ।
महामन्त्री शर्माले आफु सार्वजनिक कार्यक्रमहरूमा जादा सतर्कता नअपनाउदा आफूलाई कोरोना संक्रमण भएको र यसमा आफुले आत्मआलोचना गरेको बताएका छन् । उनी कांग्रेसको १४ औं महाधिवेशनबाट महामन्त्री निर्वाचित भएपछि विभिन्न जिल्लामा हुने कार्यक्रममा उपस्थित हुदै आएका थिए ।
