काठमाडौं । काठमाडौंमा एक दम्पत्ती अवस्थामा मृत भेटिएका छन् । काठमाडौंको शंकरापुर नगरपालिका–३, बोजेनीमा एक दम्पत्ती सुतेकै अवस्थामा मृत भेटिएका हुन् ।
काठमाडौं प्रहरी परिसर, टेकुका एसपी दिनेशराज मैनालीका अनुसार बुधबार राति खाना खाएर सुतेका ५२ वर्षीय पदमबहादुर थिङ र उनकी श्रीमती ४५ वर्षीया फुलकुमारी थिङ मृत अवस्थामा भेटिएका हुन् ।
बिहीबार बिहान ७ बजेसम्म उनीहरुले ढोका नखोलेपछि जेठा छोरा २६ वर्षीय सूर्यबहादुर थिङले ढोका फुटाएर हेर्दा दुवै जना मृत अवस्थामा भेटिएको भन्दै प्रहरीलाई खबर गरेका थिए ।
त्यसपछि प्रहरी वृत्त, बौद्ध र अपराध अनुसन्धान महाशाखाको टोली पुगेर अनुसन्धान गरेको र प्रारम्धिक अनुसन्धानका क्रममा उनीहरु राति माकल बालेर सुतेको र राति नै निसास्एिर मृत्यु भएको हुनसक्ने अनुमान गरीएको छ ।
त्रिवि शिक्षण अस्पताल, महाराजगञ्जबाट फरेन्सिक विज्ञको टोली पनि घटनास्थलमा प्रहरीसंगै गयको थियो । डाक्टरहरुको पनि शवमा बाहिरी चोटपटकहरु नभएको र निसास्सिएर मृत्यु भएको हुनसक्ने बताएका छन् ।
मृत्युको विस्तृत कारण पोष्टमार्टमपछि थाहा हुने एसपी मैनालीले बताएका छन् ।
