काठमाडौं । नेपाल भारत मैत्री पशुपति धर्मशाला सञ्चालनको बताससँगको सम्झौता रद्द गर्ने निर्णय भएको छ । संस्कृति, पर्यटन तथा नागरिक उड्डयन मन्त्री प्रेमबहादुर आलेले नेपाल भारत मैत्री पशुपति धर्मशाला सञ्चालनको सम्झौता रद्द गर्ने निर्णय गर्नु भएको हो ।
मन्त्रालयमा मंगलबार आयोजना गरिएको पत्रकार सम्मेलनमा मन्त्रीस्तरीय निर्णयबाट धर्मशाला सञ्चालनका लागि व्यावसायिक फर्म बतास समूहसँग सम्झौता रद्द भएको मन्त्री आलेले बताउनु भयो । उहाँले छानबिन समितिले गरेको सिफारिसका आधारमा धर्मशाला फिर्ता लिने निर्णय गरेको बताउनु भएको छ ।
पशुपति क्षेत्र विकास समितिका कोषाध्यक्ष नारायण सुवेदीको संयोजकत्वमा गठित छानबिन समितिले धर्मशाला भाडामा दिँदा मिलेमतो भएको भन्दै फिर्ता लिनुपर्ने निष्कर्ष सहित मन्त्री आलेलाई प्रतिवेदन बुझाएको थियो ।
पशुपति विकास कोष र बतास समूह अन्तर्गतको होटल आनन्द प्रालिबीच सम्झौता भएर पशुपति धर्मशाला सञ्चालनमा आएको थियो ।
बतास समुहसग जोडिएका यस्तै प्रकृतीको सम्झौता रद्ध गरेका मन्त्री आलेमको वाह वाह भईरहेको बेला लुम्बिनी विकास कोष जग्गामा रिसोर्टका लागि संरचना बनाउन दिने निर्णय मन्त्री आलेले गरेको भन्ने समाचार बाहिर आएपछी मन्त्री आले विवादमा परेका थिए ।
एक दिन अघि मा लुम्बिनी विकास कोषले लुम्बिनी गुरुयोजना भित्रको जग्गामा गुरुयोजनाबाहिर कुनै रिसोर्टका लागि संरचना बनाउन दिने निर्णय नभएको भन्दै विज्ञप्ति नै जारी गरीसकेको छ ।
