सुर्खेत । वीरेन्द्रनगरका दुई युवालाई लागू औषध सहित बाँके प्रहरीद्वारा पक्राउ गरीएको छ । सुर्खेतको वीरेन्द्रनगर नगरपालिका वडा नं. ६ घर भएका ४९ वर्षीय बालकृष्ण गिरी र सोही ठाउँका सञ्जय खत्रीलाई लागू औषधसहित बाँके प्रहरीले नेपालगञ्ज उपमहानगरपालिका–१६ भन्सार कार्यालय नजिकैबाट पक्राउ गरेको हो ।
भन्सार सुरक्षा गार्डबाट खटिएको प्रहरी टोलीले चेकजाँच गर्ने क्रममा शंकास्पद रुपमा हिडि रहेका गिरीलाई चेकजाँच गर्दा उनले बोकेको जेब्रा झोलामा लुकाएर राखेको लागू औषध कोरेक्स एक सय मि.लि.का २५ ओटा सीसी सहित फेला पारेको छ ।
उनले प्रारम्भीक बयानमा लागू औषध खत्रीले आफ्नो झोलामा राखीदिएको भनेपछि नेपालगञ्जको न्यूरोडबाट खत्रीलाई पनि प्रहरीले पक्राउ गरेको छ, खत्रीको साथबाट पनि प्रहरीले ३५ ट्याबलेट नाईट्रोजेपाम जस्तो ट्याबलेट फेला पारेको छ ।
राझाँ बिमानस्थलबाट कालिकोटकि महिला गाँजासहित पक्राउ,
त्यस्तै राझाँ बिमानस्थलबाट कालिकोटकि महिला गाँजासहित पक्राउ परेकि छन् । बाँके प्रहरीले यहीँ माघ १० गते राझाँ बिमानस्थलबाट कालिकोट घर भएकी ५० वर्षीय महिलालाइ ३३ ग्राम गाँजासहित पक्राउ गरेको हो ।
बुद्ध एयरको उडान मार्फत काठमाण्डौ जान लागेकी तिलागुफा गाउँपालिका –७ स्थायी ठेगाना भएकी कृष्णकला शाही टर्मिनल हलबाट प्रहरीले पक्राउ गरेको हो । डिपार्चरतर्फ जाने क्रममा प्रहरीले चेकजाँच गर्दा नीजले लगाएको सुरुवालको इजार भित्र लुकाएर राखेको चरेश बरामद गरेको हो । प्रहरीले यी घटनाबारे थप अनुसन्धान जारी राखेको जनाएको छ ।
