काठमाडौं । सत्तारुढ गठबन्धन दलहरु जेठ मसान्त भित्र स्थानीय तहको निर्वाचन गर्न तयार भएका छन् । शनिबार साँझ प्रधानमन्त्रीको सरकारी निवास बालुवाटारमा बसेको गठबन्धनका शीर्ष नेताहरुको बैठकले जेठ भित्र स्थानीय तहको निर्वाचन गर्न सरकारलाई सुझाव दिने निर्णय भएको हो ।
सञ्चार तथा सूचनाप्रविधि मन्त्री ज्ञानेन्द्रबहादुर कार्कीका अनुसार गठबन्धनको जेठ भित्र स्थानीय तहको निर्वाचन गर्ने निर्णय भएको छ । अब सरकारले निर्वाचन आयोगसँग निर्पाचनका बारेमा परामर्श गर्नेछ र स्थानीय तहको निर्वाचनको मिति तोक्नेछ ।
उनले बैठकले स्थानीय तह निर्वाचन ऐन २०७३ संशोधन गर्नुपर्ने भए त्यसको पनि प्रक्रिया अघि बढाउन सरकारलाई सुझाव दिने निर्णय भएको बताएका छन् ।
सत्तारुढ गठबन्धनमा स्थानीय तह निर्वाचन ऐन संशोधन गरेर पनि स्थानीय तहको निर्वाचन पछि सार्ने पक्षमा थियो । प्रमुख पर्तिपक्ष दल नेकपा एमाले भने संविधानका अनुसारनै चुनाव हुनु पर्नेमा सरकारलाई तवाव दिदै आईरहेको छ ।
त्यस्तै राष्ट्रपति विद्यादेवी भण्डारीले पनि गत बिहीबार प्रधानमन्त्री शेरबहादुर देउवा स्थानीय तहको निर्वाचनको मिति नसार्न आग्रह गरी सकेकि छन् ।
