काठमाडौं । एमसीसीको विषयमा खुला बहसको समर्थक रहे पनि हिंसा अमेरिकाले नस्वीकार्ने अमेरिकि राजदुतले बताएका छन् । नेपालका लागि अमेरिकी राजदूत र्याडी बेरीले एमसीसीको विषयलाई लिएर खुला बहसको समर्थक रहे पनि अमेरिकाले हिंसा वा हिंसा भड्काउने कुनैपनि किसिमका विचार नस्वीकार्ने बताएका हुन् ।
शुक्रबार दूतावासको आधिकारिक अकाउन्टबाट एक ट्वीटमा राजदूत बेरीले वाक स्वतन्त्रता र तथ्यमा आधारित खुला बहसको बलियो समर्थक रहेको र एमसीसीको बिषयमा पनि धारणा त्यही भएको स्पष्ट पारेका हुन ।
उनले ट्वीटमा भनेका छन्, एमसीसीबारे आफ्नो विचार व्यक्त गर्न पाउनु लोकतन्त्रको अभिकार हो, सबैलाई आफ्नो धारणा शान्तिपूर्वक राख्न छुट छ तर हिंसा या हिंसा भड्काउने किसिमका विचारहरू आफुहरुलाई स्वीकार्य नहुने बताएका छन् ।
We are a strong supporter of free speech & public discourse based in fact, including on MCC. The right to express one’s views is intrinsic to democracy, and people must be allowed to peacefully share their views. Violence & incitement to violence are never acceptable.
— Ambassador Randy Berry (@USAmbNepal) February 18, 2022
